Падзеі 27 траўня ў беларускай і сусьветнай гісторыі.
Дзень у гісторыі
1625 — кароль і вялікі князь Жыгімонт Ваза надаў Старадубу магдэбурскае права і герб.
Цяперашні герб Старадуба, створаны на аснове гістарычнага.
1634 — у вёсцы Палянава пачаліся перамовы між прадстаўнікамі Рэчы Паспалітай і Расеі аб заканчэньні вайны 1632–1634 гадоў.
1924 — закладзены Курган Несьмяротнасьці Міцкевіча ў Наваградку.
1994 — Аляксандар Салжаніцын разам зь сям’ёй вярнуўся з ЗША ў Расею.
Аляксандар Салжаніцын
У гэты дзень нарадзіліся
1859 — Ільля Гінцбург, скульптар.
1871 — нарадзіўся Ісак Сербаў, этнограф, фальклярыст.
1895 — Ігнат Дварчанін, беларускі грамадзка-палітычны дзеяч, скарыназнаўца.
Ігнат Дварчанін
1900 — Уладзімер Жылка, беларускі паэт.
Пад штандар бел-чырвона-белы
Гартуйся, раць, адважна, сьмела
Адважных, храбрых ваякоў!
І ўспомняцца старых вякоў
Паходы мужныя у славе,
Часы Альгерда, Ізяслава,
Грунвальдзкі зь немцам бой!
І боек даўні цяг з Масквой!
Пад знак Літоўскае Пагоні —
Абараняць краіны гоні,
Народ забраны вызваляць,
Ісьці к сьвятлу, сьвятлом палаць —
Сьпяшайся той, хто к волі рвецца,
Ў кім беларуса сэрца бʼецца!
Зьбірайцесь — ўсе, як бы адзін, —
Арлы радзімых пушч, нізін!
(Уладзімер Жылка, «Покліч», 1920 год)
ГЛЯДЗІЦЕ ТАКСАМА: «Я беларус і хачу быць ім». Правілы жыцьця Ўладзімера Жылкі1914 — Антон Бялевiч, паэт.
1926 — Фэлікс Шкірманкоў, пісьменьнік і паэт.
ГЛЯДЗІЦЕ ТАКСАМА: Пайшоў з жыцьця адзін з найстарэйшых сябраў БНФ Фэлікс Шкірманкоў1932 — Анатоль Сабалеўскі, беларускі тэатразнаўца і пэдагог.
1937 — Міхась Біч, беларускі гісторык.
1939 — Анатоль Міхайлаў, беларускі філёзаф, акадэмік НАН Беларусі, заснавальнік ЭГУ.
Анатоль Міхайлаў
1943 — Валеры Панамароў, беларускі рэжысэр, сцэнарыст і прадусар тэатру і кіно.
1957 — Алег Латышонак, беларускі і польскі гісторык, доктар гістарычных навук, старшыня Беларускага гістарычнага таварыства ў Польшчы.
Алег Латышонак
У памяці
1564 — Жан Кальвін, францускі рэфарматар каталіцкае царквы.
Жан Кальвін
1840 — Нікаля Паганіні, італьянскі скрыпач-віртуоз і кампазытар.
1871 — у Парыжы ва ўзросьце 34 гадоў быў расстраляны вэрсальцамі Кастусь Далеўскі.Падчас паўстаньня Кастуся Каліноўскага ён быў камандзірам атраду на Ковеншчыне. Пасьля паразы паўстанцаў Далеўскі здолеў перабрацца ў Францыю, дзе пасябраваў зь Яраславам Дамброўскім і далучыўся да парыскіх камунараў.
1964 — Джавахарлал Нэру, індыйскі палітык.
Джавахарлал Нэру
1997 — Зінаіда Канапелька, актрыса, народная артыстка Беларусі.