У Кітаі стварылі Міжнародную арганізацыю мэдыяцыі, каб вырашаць спрэчкі мірна. Беларусь далучылася

Паводле прадстаўнікоў кітайскага ўраду, яны ўскладаюць на арганізацыю вялікія чаканьні, спадзяюцца, што яна стане пасярэднікам пры вырашэньні канфліктаў паміж дзяржавамі на аснове кітайскай мудрасьці, піша агенцтва AP.

Кітайскія палітыкі падкрэсьліваюць, што арганізацыя створаная ў рамках Статуту ААН, каб разьвязваць канфлікты мірным чынам, праз дыялёг і ўзаемныя саступкі. На цырымоніі стварэньня арганізацыі былі і прадстаўнікі ААН.

Штаб-кватэра новай міжнароднай арганізацыі будзе ў Ганконгу.

Яна плянуе пачаць працу ў канцы году. Пакуль жа пра яе будучую дзейнасьць больш рыторыкі, чым канкрэтнай інфармацыі.

ГЛЯДЗІЦЕ ТАКСАМА:

Доля кітайскіх легкавікоў у Беларусі за 2024 год павялічылася да 65 працэнтаў

Хто разам зь Беларусьсю ў ліку заснавальнікаў

1. Альжыр,
2. Беларусь,
3. Бэнін,
4. Вануату,
5. Вэнэсуэла,
6. Габон,
7. Гвінэя-Бісаў,
8. Дамініканская Рэспубліка,
9. Джыбуці,
10. Зымбабвэ,
11. Інданэзія,
12. Камбоджа,
13. Камэрун,
14. Кенія,
15. Кірыбаці,
16. Кітай,
17. Конга,
18. Куба,
19. Ляос,
20. Маўрытанія,
21. Науру,
22. Нікарагуа,
23. Пакістан,
24. Папуа — Новая Гвінэя,
25. Салямонавы Астравы,
26. Судан,
27. Сэрбія,
28. Уганда,
29. Усходні Тымор,
30. Экватарыяльная Гвінея,
31. Этыёпія,
32. Ямайка.

ГЛЯДЗІЦЕ ТАКСАМА:

Адзін з кіраўнікоў ураду Кітая прыбыў зь візытам у Беларусь. Лукашэнка назваў яго «надзейным сябрам»